iPhone 5-ը մոռացել են բարում

iPhone 5-ի նախատիպի մշակողներից մեկը հենց այդ հեռախոսը թողել է Սան Ֆրանցիսկոյի բարերից մեկում։ Այժմ Apple-ի աշխատակիցները փնտրում են կորած սմարթֆոնը:

CNET-ը գրում է, որ սմարթֆոնը Cava 22 բարում են թողել հուլիսի վերջին: Դրանից հետո անվտանգության ծառայությունը կարողացել է պարզել, որ այն գտնվում է բարին մոտ գտնվող տներից մեկում: Տանտերը խոստովանել է, որ իսկապես այդ օրը եղել է Cava 22-ում, սակայն iPhone 5-ի հետ բոլորովին կապ չունի: Տունը խուզարկելուց հետո էլ սմարթֆոնը չեն գտել:

Ենթադրվում է, որ հեռախոսը վաճառել են` հայտարարությունների Craigslist  կայքի միջոցով:

Նշվում է, որ Apple-ը դեռեւս չի հայտարարել հաջորդ սերնդի iPhone-ի թողարկման մասին, սակայն որոշ լուրերի համաձայն` նոր iPhone 5-ը ներկայացվելու է  այս տարվա աշնանը: