Նախկին քաղբանտարկյալը մտնում է նորաձեւության աշխարհ

Հարավաֆրիկյան Հանրապետության նախկին նախագահ Նելսոն Մանդելան թողարկել է նորաձեւ հագուստի սեփական հավաքածուն, որը տարօրինակ անվանում ունի` 46664: Այդ թիվը նրա հաշվառման համարն էր Ռոբբեն կղզու բանտում, ուր նա անցկացրել էր 18 տարի:

Յոհաննեսբուրգում Նելսոն Մանդելայի հիմնադրամը, որն այդ առեւտրային գործարքը նախաձեռնողն է, հայտարարել է, որ հագուստի վաճառքից ստացված եկամուտի 7-9 տոկոսը ծառայելու է Հարավային Աֆրիկայում ՁԻԱՀ-ի դեմ պայքարին:

Յոհաննեսբուրգի թանկ խանութներով վաճառվող հագուստը` տղամարդու վերնաշապիկներ, տաբատներ եւ այլն, Մանդելայի մտահղացած «Աֆրիկայի ձեռքի»` մարդու ափի դրոշմով են: Կանանց համար նախատեսված են գույնզգույն զգեստներ` նույնպես «ափիկներով» զարդարված:

Գներն ակնհայտորեն տեղի բնակչության գրպանով չեն: Հագուստը կվաճառվի նաեւ Եվրոպայում ու ԱՄՆ-ում: