Motorola-ի տնօրենը լքել է պաշտոնը

Motorola Mobility Holdings Inc-ի տնօրեններից Ուիլյամ Հեմբրեքթը լքել է իր պաշտոնը. ներկայումս ընկերության տնօրենների խորհուրդն ունի ինը անդամ. գրում է Wall Street Journal-ը:  

Հեմբրեքթը պաշտոնը լքել է այն բանից երկու օր հետո, երբ պարզ է դարձել, որ Google-ը գնում է Motorola-ն` 12.5 միլիարդ դոլարով:

76-ամյա Հեմբրեքթը, ով եղել է Hambrecht&Quist ներդրումային բանկի համահիմնադիրներից մեկը, Motorola-ի տնօրենների խորհրդի անդամ է ընտրվել 2008 թվականին եւ մեծ դեր է ունեցել ընկերության առաջընթացի համար:

«Նա առանցքային դեր է ունեցել Motorola-ի երկու անկախ ընկերությունների բաժանվելու, ինչպեսեւ Google-ի հետ գործարք կնքելու հարցում: Ես նրան միայն լավագույնն եմ մաղթում»,- ասել է Motorola-ի գլխավոր տնօրեն Սանջայ Ջհան: