Ձերբակալվել է աղջկա վզին ռումբ ամրացրած տղամարդը

ԱՄՆ-ում ձերբակալվել է 50-ամյա Փոլ Փեթերսը, ով մեղադրվում է օգոստոսի սկզբին Սիդնեյում տեղաբնակ 18-ամյա Մադլեն Փավլըրի վզին կեղծ ռումբ-վզկալ ամրացնելու մեջ. հաղորդում է ավստրալական The Daily Telegraph-ը (dailytelegraph.com.au):

Ոստիկանությունը դեռեւս չի պարզել, թե նա ինչ կապ ունի աղջնակի եւ նրա ընտանիքի հետ:

Օգոստոսի 18-ին Փեթերսը ներխուժել էր աղջկա տուն, հագցրել նրան ռումբ-վզկալը եւ փախել: Ոստիկանությունը 10 ժամ էր ծախսել Մադլենի պարանոցից այն հեռացնելու համար, իսկ հետո պարզվել էր, որ դա ռումբ չէ:

Փոլ Փեթերսը դեռեւս ԱՄՆ-ում է, եւ  Ավստրալիայի ոստիկանությունը պետք է դիմի ամերիկյան համապատասխան մարմիններին` նրան Ավստրալիա տեղափոխելու համար: