Մնդոյանցը` ՌԴ մշակույթի փոխնախարար

ՌԴ մշակույթի նախարար Ալեքսանդր Ավդեևի նոր տեղակալը կդառնա «Համակարգ» ԲՖԿ-ի փոխնախագահ, հայտնի ճարտարապետ Աշոտ Մնդոյանցի որդին` Սերգեյ Մնդոյանցը.  տեղեկացնում է «Կոմերսանտ»-ը:

Մնդոյանցը զբաղվելու է ինչպես այն հարցերով, որոնք մինչ այդ գտնվում էին  Ռուսաստանի մշակույթի պահպանության լուծարված դաշնային ծառայության իրավասությունների ներքո, այնպես էլ նախարարության միջազգային գործունեությամբ: Մշակույթի նախարարության մասին նոր որոշման համաձայն` նախարար Ալեքսանդր Ավդեևը պետք է ունենա ևս մեկ տեղակալ:

Փաստաթուղթը ուժի մեջ կմտնի պաշտոնական հրապարակումից մեկ շաբաթ հետո, սակայն որոշումը երեկ արդեն տեղադրվել էր կառավարության փաստաթղթերի ինտերնետ-բանկում: