ՀՐԱՊԱՐԱԿ. Պրինցիպի հարց է

Լոռիում տարածված լուրերի համաձայն՝ մարզպետի թափուր աթոռը զբաղեցնելու է նախկին մարզպետ Հենրիկ Քոչինյանը: Նրան այդ պաշտոնում տեսնում է ՀՀ վարչապետը:

Իսկ ինքը՝ Լոռու նախկին մարզպետը, այդ հարցը հայտարարել է «պրինցիպի» հարց ու ասել, որ ամեն գնով հասնելու է ուզածին:

Սակայն, մեր աղբյուրների փոխանցմամբ, Քոչինյանին իշխանությունները, մասնավորապես` հանրապետականները, դեմ են: Դեռ չնշականված՝ Քոչինյանը հայտարարել է, որ «վրեժ է լուծելու նախկին աշխատակիցներից, նաեւ՝ որոշ պաշտոնյաներից, ովքեր իր դեմ են խոսել եւ գործել»:

Այդ իսկ պատճառով ԱԺ եւ նախագահական ընտրություններից առաջ իշխանություններին ձեռնտու չէ, որ լարված իրավիճակ ստեղծվի Լոռիում, ուստիեւ Քոչինյանի նշանակմանը դեմ են: