Ձրի աշխատուժ

Աշխատանքային օրենսգրքի վերջին փոփոխությունը, որի միջոցով  հնարավոր դարձավ բանավոր պայմանավորվածությունը` գործատուի և աշխատողի միջև, հանգեցրեց` աշխատանքային ուժի ձրի շահագործման:

Ռուբիկ Թադևոսյանը դարձել է խաբեության զոհ: Ինչպես «Երկրին» հայտնեց քաղաքացին, ինքը սույն թվականի մայիսի 20-27 աշխատել է Արեացիայի պեմզաբլոկի արտադրամասում: Եվ ըստ իր և գործատուի`  որն այս դեպքում հանդիսանում է «Նարեկ Կոնտրաստ» ընկերությունը, բանավոր պայմանավորվածության, պետք է ստանար 21.000 դրամ աշխատավարձ: Գնալով աշխատավայր Թադևոսյանին չի հաջողվել  գործատուներից որևէ մեկին գտնել: Քաղաքացին դիմել է մի շարք պետական կառույցների, սակայն նրանցից ոչ մեկը ճիշտ ուղղություն ցույց չի տվել:

Նման բողոքների թիվը գնալով աճում է: Հասարակ քաղաքացին չիմանալով իր իրավունքներն ընկնում է խաբեբաների թակարդը: Իսկ պետական մարմինները չեն ցանկանում ճիշտ ուղղորդել նրանց, ասելով, որ  իրենց խնդիրը չէ: Պետությունը պետք է ստեղծի այնպիսի գործող մարմին, որը կուղղորդի և կպաշտպանի քաղաքացու աշխատանքային իրավունքները: