Եվրոպայի ամենաթանկ հյուրանոցները Մոսկվայում են

Մոսկովյան հյուրանոցներում մեկ գիշեր անցկացնելու միջին գինը այս տարվա մայիսին եղել է 173 եվրո. սա ամենաթանկ գինն է` համեմատած Եվրոպայի մյուս մայրաքաղաքների հյուրանոցների գների հետ: Այդ մասին է վկայում Hotel.info կայքում տեղադրված տեղեկատվությունը:

Ինչպես փոխանցում է Gazeta.ru-ն, թեեւ Օսլոյի հյուրանոցների գները էժանացել են 25 տոկոսով, սակայն իրենց թանկությամբ շատ քիչ են զիջում Մոսկվայի հյուրանոցներին. դեռեւս նախորդ տարի դրանք ամենաթանկն էին աշխարհում:

Ամենաթանկ հնգյակում են Ստոկհոլմի (158 եվրո), Լոնդոնի (156 եվրո) եւ Կոպենհագենի (140 եվրո) հյուրանոցները:

Իսկ աշխարհի ամենաթանկ հյուրանոցները Նյու Յորքում են, մեկ գիշեր անցկացնելու միջին գինը 189 եվրո է: