Հավատը չի գալիս...

Լոռու մարզպետի հրաժարականի մասին լուրերը մարզկենտրոն Վանաձորում շրջանառվում են դեռեւս անցած տարվանից, սակայն մարզպետը շարունակում էր պաշտոնավարել:

Վերջին տեղեկություններով` Արամ Քոչարյանը հրաժարականի դիմում է ներկայացրել, թեեւ ինքն ավելի վաղ հայտարարել էր, թե հերթական արձակուրդին է մեկնում, որի ընթացքում իրեն կփոխարինի փոխմարզպետ Արսեն Դարբինյանը:

Այսօր մարզպետի ժամանակավոր պաշտոնակատարը լրագրողներին փորձել է համոզել է, թե ինքը ոչնչից տեղյակ չէ, չի էլ լսել մարզպետի հրաժարականի մասին, ավելի ճիշտ լսել է, բայց չի հավատում:

Թեեւ արդեն կա պաշտոնական հայտարարություն` որ Քոչարյանը արձակուրդի դիմումի հետ նաև հրաժարականի դիմում է ներկայացրել, մարզպետարանում, կարծես, դա արգելված թեմա է: Բոլորը խուսափում են մեկնաբանություններից կամ կարծիք հայտնելուց:

Հավանորեն այս անորոշ վիճակը կշարունակվի մեկ ամիս` մինչև Արամ Քոչարյանը «վերադառնա» արձակուրդից: