Կական չի պատրաստվում լքել "Ռեալը"

Մադրիդի «Ռեալի» բրազիլացի կիսապաշտպան Կական ակումբի նախագահ Ֆլորենտինո Պերեսին և գլխավոր մարզիչ Ժոզե Մոուրինիոյին հայտնել է, որ չի պատրաստվում լքել արքայականը. հաղորդում է Marca պարբերականը:

Վերջերս իսպանական ԶԼՄ-ում ակտիվ քննարկում է ծավալվել Կակայի տրանսֆերի վերաբերյալ, շատերն ասում են, որ «Ռեալի» ձեռք բերած նոր ֆուտբոլիստները բրազիլացուն շանսեր չեն թողնում: Սակայն ինքը` ֆուտբոլիստը,  մտադիր է ապացուցել, որ արքայականը դեռևս իր կարիքն ունի:

Հարկ է նշել, որ Կական  վերջին 3 տարվա ընթացքում առաջին անգամ հնարավորություն ունի նախամրցաշրջանային պատրաստություն անցկացնել ամենասկզբից: Ավելի վաղ նա նման շանս չուներ` ստացած վնասվածքների պատճառով: