Կլաուդիա Շիֆերը կթողարկի իր հավաքածուն

Գերմանացի սուպերմոդել Կլաուդիա Շիֆերը քաշմիրի իր առաջին հավաքածուն է ցուցադրել Փարիզի նորաձեւության շաբաթվա շրջանակներում:

Chanel-ի նախկին մուսան հայտնել է, որ տարիներ շարունակ մտածել է նորաձեւության աշխարհ մուտք գործելու մասին եւ, ի վերջո, որոշել է իր ձեռագրով ներկայանալ:

40-ամյա Շիֆերն իր կարիերայի ընթացքում հայտնվել է ավելի քան 500 ամսագրի շապիկների եւ համարվում է բոլոր ժամանակների ամենահաջողակ մոդելը: Նրա կարողությունը 50 միլիոն ԱՄՆ դոլար է:

Վերջերս նա նկարահանվել է Yves Saint Laurent-ի եւ Salvatore Ferragamo-ի գովազդներում, նաեւ պատրաստվում է նկարահանվել L'Oreal-ի շպարի եւ Chanel-ի արեւային ակնոցների գովազդներում: