Ազգային գրադարանի տնօրենի պաշտոնակատար է նշանակվել

Հայաստանի ազգային գրադարանի տնօրենի ժամանակավոր պաշտոնակատար է նշանակվել Տիգրան Զարգարյանը. տեղեկացնում է ՀՀ մշակույթի նախարարությունը:

Նա սովորել է Երևանի ճարտարագիտական համալսարանում: Տեխնիկական գիտությունների թեկնածու է, ունի մասնագիտացում` գրադարանների և արխիվների թվայնացում և կառավարում գծով։ Մասնակցել է Հայաստանի գրադարանների ավտոմատացված ցանցի նախագծման աշխատանքներին։

2008թ. ղեկավարում է ՀՀ ԳԱԱ միջազգային գիտակրթական կենտրոնում ստեղծված «Գրադարանային գործ և տեղեկատվական աղբյուրներ» ամբիոնը։ Մասնակցում է հեռաուսուցման համակարգերի նախագծմանը՝ որպես գրադարանավարության զարգացման հեռանկարային ուղղություն։