Փոխարժեքներ
03 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
ԱՄՆ Քոննեքթիկուտ նահանգի գլխավոր դատախազ Ջորջ Ջեփսենը հանդիպում է պահանջում Facebook-ի ներկայացուցիչների հետ` սոցցանցում մարդկանց ճանաչելու նոր գործառույթների հետ կապված. տեղեկացնում է Reuters-ը:
Սոցիալական ցանցի ներկայացուցիչներին ուղղված նամակում դատախազը գրում է, որ նրանք, հավանորեն, մոռացել են մասնավոր կյանքի անձեռնմխելիության մասին: «Այդ գործառույթների կիրառումը անհանգստություն է ներշնչում»,- նշել է նա:
Ավելի վաղ Facebook-ի ղեկավարության հասցեին քննադատություն է հնչեցրել նաեւ Եվրամիությունը: Բացի այդ` անցյալ շաբաթ մի քանի մասնավոր կազմակերպություններ են դիմել ԱՄՆ առեւտրի դաշնային հանձնաժողովին` հետաքննություն անցկացնելու խնդրանքով:
Նորույթը հնարավորություն է տալիս սոցցանց ներբեռնված լուսանկարներում ճանաչել մարդկանց եւ նշումներ անել: Այսուհետ մեկ անգամ մարդուն լուսանկարում նշելով`այլ լուսանկարներում նրան կգտնեք ավտոմատ կերպով` նշված: Ծրագիրն այդ նշումները կիրառում է առանց էջի հեղինակի հարցման, եւ նշված լուսանկարները հասանելի են դառնում բոլորին, նույնիսկ եթե տեղադրվել են փակ ձեւաչափով: