Գլխավոր դատախազը հանձնարարել է դատարանների «շրջափակման» ընթացքում կատարված հանցագործության մասին ահազանգերն ուղարկել գլխավոր դատախազություն

ՀՀ գլխավոր դատախազը հանձնարարել է իրենց ուղարկել դատարանների մուտքերի և  ելքերի արգելակման գործողությունների ընթացքում կատարված առերևույթ հանցագործության վերաբերյալ հաղորդումները: Այս մասին «Ֆեյսբուք»-ի իր էջում գրել է գլխավոր դատախազի խորհրդական Գոռ Աբրահամյանը:

«Հարկ ենք համարում տեղեկացնել, որ ՀՀ գլխավոր դատախազի կողմից հանձնարարվել է այսօր դատարանների մուտքերն ու ելքերն արգեփակելուն ուղղված գործողությունների ընթացքում կատարված առերևույթ հանցագործության վերաբերյալ ներկայացված բոլոր հաղորդումները, ահազանգերն ուղարկել ՀՀ գլխավոր դատախազություն՝ դրանք ՀՀ հատուկ քննչական ծառայություն ուղարկելու, համակողմանի այդ իրադարձությունները քրեադատավարական կարգով ստուգելու և իրավական գնահատականի արժանացնելու նպատակով»,- նշել է նա: