Կրկին 5-րդ զամբյուղ

Հուլիսի 30-ին Բրազիլիայի մայրաքաղաք Ռիո Դե Ժանեյրոյում տեղի կունենա ֆուտբոլի 2014 Աշխարհի առաջնության որակավորման փուլի վիճակահանությունը:

Ըստ Football-rankings.info կայքի` Հայաստանի ազգային հավաքականը տեղ կզբաղեցնի 5-րդ զամբյուղում:

Նշենք, որ այս տվյալները նախնական են և հիմնված կայքի կանխատեսումների վրա, քանի որ դեռ չի հրապարակվել ՖԻՖԱ-ի նոր դասակարգման աղյուսակը:

Վերջին տվյալներով` մենք պետք է տեղ զբաղեցնեինք 4-րդ զամբյուղում, բայց կայքը, ժամանակից առաջ անցնելով, համարում է, որ նոր վարկանիշային հրապարակումից հետո մեր հավաքականին կշրջանցեն Ավստրիան և Լեհաստանը:

Ահա մեր հավաքականի հետ միևնույն զամբյուղում հայտնված հավաքականները` Էստոնիա, Ֆինլանդիա, Կիպրոս, Լատվիա, Մոլդովա, Մակեդոնիա, Ադրբեջան, Ֆարերյան կղզիներ: