Խիստ նկատողություն` դպրոցի տնօրենին

Կրթության և գիտության նախարար Արմեն Աշոտյանի հրամանի համաձայն` կարգապահական տույժ՝ խիստ նկատողություն է կիրառվել Սիսիանի ավագ դպրոցի տնօրեն Նաիրա Ներսիսյանի նկատմամբ:

Դրա համար հիմք են ծառայել ՀՀ կրթության պետական տեսչության «Թեժ գծով» ստացված ահազանգով` մայիսի 2-4-ը դպրոցում իրականացված ուսումնասիրությունը և տնօրեն Նաիրա Ներսիսյանի գրավոր բացատրագիրը:

Կրթության և գիտության նախարարության հասարակայնության հետ կապերի և տեղեկատվության վարչության պետ Արթուր Բաղդասարյանը ԵՐԿԻՐ-ի հետ զրույցում նշեց, որ պարզվել է` 2 երեխաների ընդունել են դպրոց մինչեւ 6 տարեկանը լրանալը, նաեւ լրացուցիչ պարապունքների համար ծնողների հետ պայմանագիր կնքված չի եղել: