Ստեղծված են լավ պայմաններ

«Հայաստան» համահայկական հիմնադրամի հոգաբարձուների խորհրդի 20-րդ նիստի ծրագրի շրջանակներում` երեկ Հադրութի շրջանի Տող գյուղում տեղի ունեցավ արվեստի դպրոցի նոր շենքի բացման արարողությունը:

Դպրոցը ստեղծվել է 6 տարի առաջ՝  մեծ դժվարություններով, իսկ այսօր արդեն, ինչպես նշեց դպրոցի տնօրեն Սուսաննա Բալայանը, իրենց երազանքն իրականություն է դարձել՝ դպրոցում ստեղծված են բավական լավ պայմաններ:

Համահայկական հիմնադրամի ֆինանսավորմամբ ընթացքի մեջ է գյուղի մանկապարտեզի վերակառուցումը, սկսվել է նաեւ ջրատարի շինարարությունը, որը նախատեսվում է ավարտին հասցնել մինչեւ այս տարվա վերջը:

Հիմնադրամի ներկայացուցիչներն այցելել են նաեւ Մարտունու շրջանի Ճարտար գյուղի Հովիկ Հարությունյանի անվան համար 2 հիմնական դպրոց, որը կառուցվել եւ կահավորվել է հիմնադրամի Ֆրանսիայի տեղական մարմնի հովանավորությամբ: