Ռուսաստանի ամենահարուստներից չորսը հայ են

Forbes Russia-ն հրապարակել է Ռուսաստանի ամենահարուստ 200 մարդկանց ցուցակը: Բոլորի ընդհանուր կարողությունը 499 միլիարդ դոլար է, որից 432 միլիարդը բաժին է ընկնում առաջատար 100-ին։ Եթե նախորդ տարի ռուս միլիարդատերերի թիվը 62 էր, ապա այս տարի` 101:

Ցուցակի առաջին տեղում Վլադիմիր Լիսինն է՝ 24 մլրդ դոլարով: Առաջին եռյակում են նաեւ Ալեքսեյ Մորդաշովը (18.5 մլրդ դոլար) եւ Միխայիլ Պրոխորովը (18 մլրդ դոլար)։ Մեկ տարվա ընթացքում իր կարողությունների զգալի աճ է արձանագրել Ալիշեր Ուսմանովը՝ 10.5 մլրդ դոլարը  դարձնելով 17.7 մլրդ դոլար` ինտերնետի եւ մետալուրգիայի ոլորտում բաժնետոմսերի գների աճի հաշվին։

Այս ցուցակում կան նաեւ հայեր: 1.5 մլրդ դոլար է «Ռեսո Գարանտիա» ապահովագրական ընկերության հիմնական բաժնետերեր Նիկոլայ եւ Սերգեյ Սարկիսով եղբայրների եւ «Ռոսգոսստրախ» ընկերության  բաժնետեր Դանիլ Խաչատուրովի կարողությունը:

«Տաշիր»-ի սեփականատեր Սամվել Կարապետյանի կարողությունը  1.4 մլրդ դոլար է, իսկ Ռուբեն Վարդանյանինը` 0.5 մլրդ դոլար: