Ռուսաստանի ԱԳ փոխնախարարը Անկարայում քննարկել է հայ-ադրբեջանական հարաբերությունների կարգավորման գործընթացը

Մարտի 13-ին Անկարայում Ռուսաստանի Դաշնության արտաքին գործերի փոխնախարար Մ.Յու.Գալուզինը խորհրդակցություններ է անցկացրել Թուրքիայի Հանրապետության արտաքին գործերի փոխնախարար Բ.Աքչապարի հետ։ Այս մասին հայտնում է ՌԴ ԱԳՆ-ն։

«Քննարկվել է ուկրաինական ճգնաժամի թեման, այդ թվում՝ դրա քաղաքական և դիվանագիտական ​​կարգավորման հեռանկարները։ Ռուսական կողմից այս համատեքստում մատնանշվել է ԱՄՆ գլխավորությամբ հավաքական Արևմուտքի կողմից Կիևի ռեժիմին զենք մատակարարելը դադարեցնելու, Ուկրաինայի ղեկավարության՝ Ռուսաստանի հետ բանակցությունների արգելքը վերացնելու, ինչպես նաև աշխարհաքաղաքական նոր իրողություններին Կիևի սթափ ընկալման անհրաժեշտությունըում»,-նշել են ԱԳՆ-ում։

Կողմերը համեմատել են իրենց տեսակետները Անդրկովկասում տիրող իրավիճակի վերաբերյալ՝ ընդգծելով հայ-ադրբեջանական հարաբերությունների կարգավորման գործընթացի կարևորությունը և դրա խթանումը, առաջին հերթին, տարածաշրջանային ձևաչափերի շրջանակներում։

Գնահատականներ են տրվել Կենտրոնական Ասիայի երկրների հետ փոխգործակցության վերաբերյալ։ Ռուսական պատվիրակությունը նշել է տարածաշրջանի պետությունների հետ գործընկերության բարձր դինամիկան։

Շոշափվել են ռուս-թուրքական օրակարգի որոշ ասպեկտներ՝ Մոսկվայի և Անկարայի միջև համագործակցության խորացման և կառուցողական երկխոսության հետագա համատեղ քայլերի տեսանկյունից։

Պայմանավորվածություն է ձեռք բերվել շարունակել շփումները։