Ադրբեջանի եւ Իսրայելի գաղտնի կապերը

2007 թվականի փետրվարի 16-ին Ադրբեջանում Իսրայելի դեսպան Արթուր Լենկը հանդիպել է Ադրբեջանում ԱՄՆ դեսպան Էնն Դերսիի հետ եւ քննարկել Դավոսի տնտեսական ֆորումի ընթացքում Իսրայելի արտգործնախարար Ցիպի Լիվնիի ու Ադրբեջանի նախագահ Իլհամ Ալիեւի հանդիպման մանրամասները. հայտնի է դարձել Wikileaks-ի գաղտնազերծած փաստաթղթերից:

Լենկը Դերսիին տեղեկացրել է, որ Իսրայելը եւ Ադրբեջանը ստորագրել են անվտանգության ոլորտին վերաբերող 2 գաղտնի փաստաթղթեր, սակայն չի պատմել դրանց բովանդակության մասին:

Իսրայելի դեսպանը նաեւ պատմել է, որ Ալիեւի անձնական խորհրդականը Իսրայելում բուժվելիս հանդիպել է երկրի պաշտպանության նախարարի եւ «Մոսադի» ներկայացուցիչների հետ:

Իսրայելը կարեւորում է նավթի պաշարներ ունեցող Ադրբեջանի հետ դիվանագիտական եւ տնտեսական հարաբերությունները. տեղեկացնում է mignews.com-ը: