Հեռուստառադիոընկերությունը տնօրեն ունեցավ

Արցախի Հանրային հեռուստառադիոընկերությունը վերջապես գործադիր տնօրեն ունեցավ:

Շուրջ երկու տարի ընկերությունը ղեկավարում էր գործադիր տնօրենի պաշտոնակատարը:

Երեկ Արցախի Հանրային հեռուստատեսության լուրերի թողարկման ժամանակ տեղեկացրել են, որ հեռուստառադիոընկերության խորհուրդը քննարկել է ընկերության գործադիր տնօրենի թափուր տեղի համար հայտարարված մրցույթին մասնակցելու համար հեռուստառադիոընկերության ծրագրերի տնօրեն Արթուր Ներսիսյանի ներկայացրած հայտը եւ որոշում է կայացրել նրան նշանակել գործադիր տնօրեն:

Թե ի՞նչ ծրագիր է ներկայացրել խորհրդին Արթուր Ներսիսյանը, եւ ի՞նչ է փոխվելու հեռուստա- եւ ռադիոեթերում, այդ մասին ոչինչ չասվեց: