Հրդեհ` Կամերային երաժշտության տանը

Մարտի 31-ին՝ ժամը 05.47-ին, ահազանգ է ստացվել, որ հրդեհ է բռնկվել Երևանի Կոմիտասի անվան կամերային երաժշտության տան տարածքում:

Դեպքի վայր են մեկնել չորս մարտական հաշվարկ, ճգնաժամային կառավարման կենտրոնի օպերատիվ խումբը եւ փրկարական ուժերի վարչության հրշեջ շտաբը. տեղեկացնում է «Արտակարգ ալիքը»: Հրդեհը մեկուսացվել է ժամը 06.14-ին, մարվել` 06.28-ին:

Ամբողջությամբ այրվել է տնօրենի աշխատասենյակը:

Հրդեհի հետևանքով կամերային երաժշտության տան պահակ` 1963 թ. ծնված Տարոն Թորոսյանը ծխահարվել է: Փրկարարներն առաջին բուժօգնությունն են ցույց տվել Տ.Թորոսյանին, այնուհետև նրան շտապօգնության ավտոմեքենայով տեղափոխել են Երևան քաղաքի «Գրիգոր Լուսավորիչ» բժշկական կենտրոն: Տ.Թորոսյանի կյանքին վտանգ չի սպառնում: