Պարտադրված "հանրապետականացում"

Ո՞վ կմտածեր, որ ժամանակին մեր քաղաքական գործիչներից մեկի` «Թեկուզ պոլի փետ լինի, միայն թե ՀՀՇ-ական լինի» արտահայտությունը կդառնա ոչ միայն ներքաղաքական իրավիճակը բնորոշող թևավոր խոսք, այլև հաջորդ իշխանությունների համար` կարգախոս-ուղեգիծ:

«Հանրապետականացման» հերթը հասել է հանրակրթությանը: Գեղարքունիքի մարզի, մասնավորապես` Մարտունու տարածաշրջանի որոշ դպրոցների մի շարք ուսուցիչներ, խնդրելով գաղտնի պահել իրենց ինքնությունն ու աշխատավայրը, «Երկիր»-ին վրդովված ու մտահոգված պատմել են պարտադրված կուսակցականացման մասին:

Նրանց խոսքերով` որոշ դպրոցների տնօրենների հրահանգված է ուսուցիչներով համալրել ՀՀԿ-ի շարքերը: «Եթե խնդրեին կամ առաջարկեին` ոչինչ, տանելի կլիներ, բայց նաև սպառնում են»,- ասաց ուսուցիչներից մեկը:

Ի դեպ, կուսակցության շարքերը համալրելու մոլուցքով տարված` տնօրենները քաղաքական ակտիվ դաշտ են բերում նաեւ դպրոցների տարեց հավաքարարներին…