Կադրային փոփոխություն` Twitter-ում

Twitter-ի համահիմնադիր Ջեք Դորսեյը, ով 2008 թվականին դարձել էր ընկերության գործադիր տնօրեն, այժմ նորից զբաղեցնելու է իր այդ պաշտոնը եւ ղեկավարելու է արտադրության զարգացման աշխատանքները:

Ինչպես գրում է BBC-ն, նա փոխարինում է մյուս համահիմնադիր Էվան Ուիլյամսին, որը թեեւ ղեկավարների կազմում է, սակայն մեկ աստիճանով ավելի ցածր պաշտոն է զբաղեցնում:

Այս մասին հայտարարությունը թվիթ էր արել Twitter-ի մամուլի պատասխանատու Դիք Կոստոլոն. «Որպես գործադիր տնօրեն` Ջեքը պետք է աշխատի ավելի քան 450 մարդու հետ` առաջնորդելով փորձառու այդ թիմին»:

Այս փոփոխությունները բխում են ընկերության շահերից եւ կարեւոր են տեղեկատվական ու հաղորդակցային հարթակում զարգացման համար: Թեեւ Twitter-ը արագ զարգանում է եւ ունի մոտ 200 միլիոն օգտագործող, սակայն ունի նաեւ մարտահրավերներ: