ՀԱՅԿԱԿԱՆ ԺԱՄԱՆԱԿ. Անաղմուկ կազատեն

Մեր տեղեկություններով` Երեւանի ոստիկանապետ Ներսես Նազարյանն անցած չորեքշաբթի Կենտրոնի բաժնի Մարաշի բաժանմունքի պետի տեղակալ Գառնիկ Սահակյանին ազատելու վերաբերյալ զեկուցագիր է ներկայացրել ՀՀ ոստիկանապետ Ալիկ Սարգսյանին:

Զեկուցագրի հիմք է հանդիսացել Մարաշի բաժանմունքում անցկացված ծառայողական քննությունը, որը պիտի պարզեր, թե ինչո՞ւ է Սահակյանը բերման ենթարկված երիտասարդների հետ երկար առանձնանում իր առանձնասենյակում: Այդ նպատակով նրա աշխատասենյակը «կահավորվել» է հատուկ սարքավորումներով, որից հետո ամեն ինչ պարզվել է, եւ Նազարյանը քննության արդյունքների մասին զեկուցագիր է ներկայացրել ՀՀ ոստիկանապետին: