Facebook-ն ընդլայնում է շարժական ծրագրերը

Facebook-ը համագործակցության պայմանավորվածություն է ձեռք բերել ամերիկա-իսրայելական  Snaptu տեխնոլոգիական ընկերության հետ, որը 40-70 միլիոն դոլարի դիմաց սոցիալական ցանցներն ավելի հասանելի է դարձնելու ոչ սմարթֆոնների համար: Ոչ սմարթֆոնները համարվում են «սովորական հեռախոսները» եւ համաշխարհային շուկայի 80 տոկոսն են կազմում:

«Թելեգրաֆը» գրում է, որ Facebook-ի` բջջային հեռախոսներով լայնորեն օգտագործումը համարվում է ընկերության 2011 թ. ռազմավարության կարեւոր ուղղություններից մեկը:

Փորձագետներն ասում են, որ այս համաձայնությունը հնարավորություն կտա, որ սոցիալական ցանցերը ներթափանցեն զարգացող երկրների շուկաներ, որտեղ սմարթֆոններն այնքան էլ մատչելի չեն, եւ ավելի շատ օգտագործվում են «սովորական հեռախոսները»:

Snaptu ընկերությունն իր բլոգում գրում է. «Մենք որոշեցինք, որ,,  Facebook-ի թիմի հետ աշխատելով հնարավորություն ենք ստանում արագացնելու մեր արտադրության զարգացման տեմպերը»:

Իսկ Facebook-ի շարժական կապի գծով ղեկավար Հենրի Մոյզինաքն ասել է. «Մենք ցանկանում ենք գրավել Facebook-ի յուրաքանչյուր օգտվողին: Մենք մեր ծառայությունները ներդնում ենք սմարթֆոններում, միեւնույն ժամանակ, քանի որ մեծ շուկայում սովորական հեռախոսներ են, հավատում ենք, որ յուրաքանչյուր հեռախոս կսոցիալականացվի»: