Խնդիրը շուտով կբախի մեր դռները

Վերջին շրջանում մայրաքաղաքում շատացել են աջակողմյան ղեկերով մեքենաները, որոնք հարմարացված չեն մեր երկրում գործող ճանապարհատրանսպորտային երթեւեկության չափանիշներին:

Օրենսդրությամբ ամրագրված է, որ Հայաստանում գործում է ձախակողմյան երթեւեկություն, իսկ ՀՀ տրանսպորտի եւ կապի նախարարությունից «Երկիր»-ին հայտնեցին, որ այդ հարցին իրենք որեւէ առնչություն չունեն, քանի որ երթեւեկության նշանների ճիշտ տեղադրումը արվում է ճանապարհատրանսպորտային ոստիկանության հետ համատեղ:

Ըստ ՀՀ պետեկամուտների վարչության մաքսային պետական ծառայության` 2001-2010 թթ. արտաքին առեւտրով ՀՀ ներմուծված ավտոմեքենաների վերաբերյալ հաշվետվության` Հայաստան է ներկրվել մոտավորապես 170-175 հազար ավտոմեքենա, որոնցից 86519-ը ներկրվել են 2008-2010 թվականներին:

Պարզվում է, որ մաքսային պետական ծառայությունը չի տիրապետում այն տեղեկատվությանը, թե, օրինակ,  2010 թ. ՀՀ ներկրված 20297 մեքենայից քանիսն է եղել աջակողմյան ղեկ ունեցող ավտոմեքենաներ, քանի որ նույն ծառայությունն իր վիճակագրությունը կատարում է՝ հիմք ընդունելով միջազգային վիճակագրական չափանիշները: