Հիմնական թեման պատերազմը կանխելն էր

Հայաստանի, Ադրբեջանի եւ Ռուսաստանի նախագահների հանդիպման ընթացքում ստորագրված հայտարարությունից ոչ մի կողմ շահող դուրս չեկավ. կարծում է քաղաքագետ Մանվել Սարգսյանը: Վերջինիս համոզմամբ`հանդիպման հիմնական նպատակը պատերազմը կանխելն էր:

Իսկ Կովկասյան լրատվամիջոցների ինստիտուտի փոխտնօրեն, քաղաքագետ Սերգեյ Մինասյանը Սոչիում կայացած եռակողմ հանդիպումը համարում է բանակցային գործընթացը շարունակելու մասին պայմանավորվածություն:

Անդրադառնալով ադրբեջանական կողմի` հանդիպումից ունեցած սպասելիքներին` Սերգեյ Մինասյանն ասաց, որ Ադրբեջանում չեն մեկնաբանում Սոչիի հանդիպումը, «ձեւացնում են, թե ոչինչ չի եղել»: Այս փաստը, քաղաքագետի համոզմամբ, խոսում է այն մասին, որ Բաքվի սպասելիքները հանդիպումից չեն արդարացել: