Վերջնագի՞ր, թե՞ առաջարկ

Անդրադառնալով ՀԱԿ-ի` իշխանություններին ներկայացրած վերջնագրին, ՕԵԿ-ական Հովհաննես Մարգարյանն ասաց, որ ինքը կուզենար պարզել` դա վերջնագի՞ր է, թե՞ առաջարկ: «Եթե դա ուլտիմատում է, պահանջ, վերջնագիր, ապա, բնականաբար, դա մեզ համար անընդունելի է։ Իսկ եթե դրանք զուտ առաջարկներ են, բնականաբար, ողջունելի է»,- ասաց նա:

Սակայն նման դիրքորոշումը հասկանալի չէ ՀՅԴ խմբակցության ղեկավար Վահան Հովհաննիսյանի համար։ Նրան զարմացրել է կոալիցիայի պատասխանը, թե եթե նույնն ասվի ոչ թե որպես պահանջ, այլ որպես առաջարկ, կոալիցիան կքննարկի դա:

Վ. Հովհաննիսյանը հարցնում է` եթե փաստաթղթի վերևում գրված լինի առաջարկ, այլ ոչ թե պահանջ, կքննարկե՞ն, օրինակ, վարչապետի, ոստիկանապետի եւ այլ պաշտոնյաների հրաժարականի հարցը: