ԼՂՀ վարչապետը՝ Բեյրութում

ԼՂՀ վարչապետ Արա Հարությունյանի գլխավորած պատվիրակությունը,  որի կազմում են ԼՂՀ գյուղատնտեսության աջակցության հիմնադրամի գլխավոր տնօրեն Վահրամ Բաղդասարյանը եւ ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանը, երեկ ժամանել է Լիբանանի մայրաքաղաք Բեյրութ. տեղեկացնում է ԼՂՀ կառավարության տեղեկատվության եւ հասարակայնության հետ կապերի վարչությունը:

Նախատեսված են հանդիպումներ հայ համայնքի, կուսակցական մարմինների, ինչպես նաեւ հայ գործարար շրջանակների եւ մամուլի ներկայացուցիչների հետ:

Այսօր առավոտյան ԼՂՀ պատվիրակությանն ընդունել է  Ն.Ս.Օ.Տ.Տ. Մեծի Տանն Կիլիկիո Արամ Ա կաթողիկոսը:  Հանդիպման ներկա է եղել նաեւ Ղարաբաղի օժանդակության լիբանանյան հանձնախումբը. տեղեկացնում է կաթողիկության մամլո դիվանը:

Վեհափառ հայրապետը ողջունել է ԼՂՀ վարչապետին այցելությունը` ընդգծելով Ղարաբաղի տնտեսական հզորացմանը Սփյուռքի օժանդակելու հրամայականը: