Ընդվզումներն անխուսափելի են, եթե...

Եգիպտական եւ թունիսյան իրադարձությունների կրկնությունը Վրաստանում անխուսափելի կլինի, եթե ներկայիս իշխանությունները կամավոր չհեռանան. հայտարարել է «Ներկայացուցչական ժողովրդական ժողով» ընդդիմադիր միավորման ղեկավար, Վրաստանի խորհրդարանի նախկին խոսնակ Նինո Բուրջանաձեն:

Նրա կարծիքով`մերձավորարեւելյան պետություններում տեղի ունեցածը պետք է դաս լինի ցանկացած երկրի իշխանությունների համար:

«Նշված երկրներից ոչ մեկում արյուն չէր հեղվի, եթե իշխանություններն անսային ժողովրդի պահանջին եւ խաղաղ հեռանային: Եթե իշխողը խաղաղ չհեռանա, նրան հարկ կլինի հեռացնել, բայց այդ դեպքում նրա պատասխանատվությունը շատ ավելի ծանր կլինի»,-հայտարարել է Բուրջանաձեն: