ԼՂ հակամարտությունը` պոտենցիալ թիրախ

Կովկասյան չկարգավորված հակամարտությունները եւ Կենտրոնական Ասիայի երկրներում տեղի ունեցող անկարգությունները ապակայունացնում են եվրասիական տարածաշրջանը. հայտարարել է ԱՄՆ ազգային հետախուզության ղեկավար Ջեյմս Քլափերը:

«Լեռնային Ղարաբաղի սառեցված հակամարտությունը նույնպես պոտենցիալ թիրախ է: Ադրբեջանի կառավարությունը բավարարված է  հայ-թուրքական մերձեցման գործընթացի ձախողմամբ, բայց նախագահ Ալիեւը ցանկանում է Արեւմուտքի ուշադրությունը սեւեռել Ադրբեջանի շահերի վրա՝ ստվերում թողնելով Հայաստանը: Երկկողմ անվստահությունը եւ շփման գծում հրադադարի ռեժիմի խախտումները անցած ամառ բարձրացրին ռիսկային գործոնը, որը սխալ հաշվարկների դեպքում կարող է հանգեցնել ռազմական բախման` առանց նախազգուշացման»,- ասել է նա: