MI6-ը պոտենցիալ ահաբեկիչներին ուղղորդում է կեղծ հետքով

Պոտենցիալ ահաբեկիչները, որոնք ինտերնետում խորհուրդներ են փնտրում, թե ինչպես տնային պայմաններում ռումբ պատրաստել, բրիտանական արտաքին հետախուզության` MI6-ի աշխատակիցների շնորհիվ դրա փոխարեն գտնում են հիանալի կեքս թխելու բաղադրատոմսեր. գրում է Telegraph-ը:

MI6-ը կիբեր-գործողություն է սկսել ջիհադականների Inspire ինտերնետային ամսագրի դեմ եւ փորձում է կասեցնել «Ալ Քաիդա»-ի` միայնակ գործող ահաբեկիչներով իր շարքերը համալրելու փորձերը:

Inspire-ում խորհուրդներ են տեղադրված, թե ինչպես ռումբ պատրաստել, օրինակ, խողովակի կտորներից, շաքարից, լուցկու գլխիկներից, փոքրիկ լամպերից: Ովքեր փորձում են անգլերենով ներբեռնել «Ռումբ սարքիր մայրիկիդ խոհանոցում» բաժինը, անմիջապես «ուղղվում են» «Ամերիկայի լավագույն կեքսերը» կայքը: