Մխիթարյանը լավագույնն էր

Երեկ իսպանական Էլչե քաղաքում տեղի ունեցավ Copa del Sol մրցաշարի քառորդ եզրափակիչը` «Շախտյոր» - «Նորդսյելանդ» մրցավեճը։

«Շախտյորը» հաղթանակ տոնեց հակառակորդի նկատմամբ 3։1 հաշվով, իսկ Հայաստանի հավաքականի առանցքային ֆուտբոլիստ Հենրիխ Մխիթարյանը բացեց հանդիպման հաշիվը 27-րդ րոպեին. Ռազվան Ռացի փոխանցումից հետո Մխիթարյանը գլխի շեշտակի հարվածով եզրափակեց գրոհը։

Մյուս 2 գոլերի հեղինակերն են Ալեքս Տեյշեյրան ու Դմիտրի Չիգրինսկին։

Հենրիխը մասնակցեց ամբողջ հանդիպմանը և լավագույնս դրսևորեց իրեն: Copa del Sol-ի կիսաեզրափակիչում «Շախտյորը» կխաղա նորվեգական «Ռուսենբորգի» հետ, որը երեկ 4։0 հաշվով ջախջախեց Մոսկվայի «Սպարտակին»: Տեսանյութը` այստեղ: