Մխիթարյանը լավագույնն է. Մոուրինյո

Պրեմիեր լիգայի 15-րդ տուրում «Մանչեսթեր Յունայթեդ»-ը Հենրիխ Մխիթարյանի խփած միակ գոլի շնորհիվ հաղթել է «Տոտենհեմ»-ին: Խաղից հետո թիմի գլխավոր մարզիչ Ժոզե Մոուրինյոն գովեստի խոսքեր է ասել հայ ֆուտբոլիստի հասցեին:

«Արժանի չէինք հանդիպման վերջին 10-15 րոպեները վախով անցկացնելուն, քանի որ պետք է ավելի շատ գոլեր խփեինք: Ուրախ եմ  Մխիթարյանի այսպիսի խաղի համար: Նա ոչ միայն ստեղծագործում է, այլեւ թիմին օգնում պաշտպանվելիս: Նա հաղթահարեց հոգեբանական խնդիրները և կդառնա ավելի լավը:   Ես ավելին եմ պահանջում հարձակման գծի մյուս ֆուտբոլիստներից: Գոհ եմ նրա մարզավիճակից: Նրա նման ֆուտբոլիստները, ովքեր անդադար աշխատում են, շատ մեծ նշանակություն ունեն թիմի համար»,-ասել է մարզիչը:

 Հիշեցնենք, որ խաղավերջում Մխիթարյանը ոտնաթաթի վնասվածք ստացավ և պատգարակով դուրս բերվեց խաղադաշտից: