Եգիպտոսում Սուրբ Ծնունդն անցել է առանց միջադեպերի

Օրեր առաջ Եգիպտոսում տեղի ունեցած միջադեպից հետո մտավախություն կար, որ Սուրբ Ծննդյան տոներին նույնպես միջադեպ կգրանցվի, եւ հնարավոր միջադեպերը կանխելու համար անվտանգության խիստ միջոցներ են ձեռնարկվել: Եկեղեցիների անվտանգությունն ապահովելու համար երեկ Եգիպտոսում աշխատել է շուրջ 70 հազար ոստիկան:

Սակայն ձեռնարկված միջոցները պետք չեկան, քանի որ տեղի ունեցավ ճիշտ հակառակը: Երեկ Կահիրեում Եգիպտոսի Ղպտի ուղղափառները նշեցել են Սուրբ Ծնունդը, ինչին նաեւ մուսուլմաններ են մասնակցել:

Ղպտի քրիստոնեաների եկեղեցիների շուրջը մահմեդականները  մարդկային պատեր են կառուցել` նրանց անվտանգությունն ապահովելու համար:

«Գիտենք, որ ապահով չէ, բայց կամ միասին ­­­­կապրենք, կամ միասին կմեռնենքե,- ասել են նրանք: Իսկ ղպտի հոգեւորականներն էլ արարողությունն սկսելուց առաջ ասել են. «Մեր մուսուլման եղբայրները եկել են մեզ պաշտպանելուե:

Սուրբ Ծննդյան միջոցառումներին մասնակցել են նաեւ երկրի նախագահ Հուսնի Մուբարեքի երկու որդիները:

Երեկոյան ժամերին սկսած տոնակատարությանը հոգեւորականները միասնականության կոչեր են արել, իսկ հրավիրյալներն աղոթել են օրեր առաջ Ալեքսանդրիայում  ահաբեկչական գործողության հետեւանքով զոհված 21 քրիստոնյաների համար:

Միջոցառումներին մասնակցել են 2000-ից ավելի հայտնի եգիպտացիներ, ովքեր ասել են, որ այսուհետ իրենք ոչ թե մուսուլման կամ քրիստոնյա են, այլ եգիպտացիներ: Ղպտիների հոգեւոր առաջնորդ Շինոդա 3-րդ Պապին է այցելել նաեւ Եգիպտոսի մահմեդականների առաջնորդը: