Մի քանի օր առաջ որդու ծնունդն էր նշել. գիշերը զոհված պայմանագրային զինծառայողը երեք երեխա ունի

Արդեն հայտնել ենք, որ երեկ երեկոյան Տավուշի մարզում հակառակորդի դիպուկահարի կրակոցից զոհվել է պայմանագրային զինծառայող` 34-ամյա Արման Ուդումյանը: Նա Բերդի տարածաշրջանի Չորաթան գյուղից էր և արդեն 6 տարի է` ծառայում էր զինված ուժերում:

 Yerkir.am-ի հետ զրույցում Արմանի հարազատները հայտնեցին, որ Արմանն ամուսնացած է, ունի 3 երեխա` երկու աղջիկ, մեկ տղա, որի ծննդյան օրը նշել են երկու օր առաջ:

Նրանց խոսքով` Արմանը շատ խելոք, ընտանիքին նվիրված երիտասարդ էր:

Նշենք, որ վերջին օրերին ակտիվացել են հրադադարի ռեժիմի խախտումները: Այս ամսվա ընթացքում հակառակորդը սահմանի երկայնքով դիվերսիոն ներթափանցման` տասնյակից ավելի փորձեր է կատարել: 

Լուսանկարը` Արմանի սոցիալական ցանցի էջից