Պուտինին դատի են տվել

Ռուսական ընդդիամդիր գործիչները զրպարտանքի համար հայց են ներկայացրել Ռուսաստանի վարչապետ Վլադիմիր Պուտինի դեմ՝ պահանջելով 1 միլիոն ռուբլի վնասների հատուցում: Այս մասին տեղեկացրել է նախկին փոխվարչապետ Բորիս Նեմցովը:

Նեմցովը մատնանշել է Պուտինի՝ վերջերս անցկացված ամենամյա հարցուպատասխան հեռուստահաղորդման ժամանակ արված հայատարարությունները, որոնցում Պուտինը մեղադրել է ընդդիմաության ներկայացուցիչներին օլիգարխ Բորիս Բերեզովսկու հետ միասին Ռուսաստանից միլիարդներ գողանալու մեջ:

«Դա սուտ և զրպարտություն է»,- ասել է Նեմցովը, ինչպես նաև Պուտինից ներողություն պահանջել:

Պուտինի մամլո քարտուղարը հրաժարվել է մեկնաբանել դատավեճը:

Դեկտեմբերի 16-ին ուղիղ եթերով տեղի ունեցած հարցուպատասխանի ժամանակ պուտինն ասել էր, որ ընդդիմադիր գործիչները, ինչպիսին Նեմցովն է, միայն փողի և իշխանության մեջ են հետաքրքրված:

«Նրանք ամեն ինչ վատնել ենմ հիմա էլ ուզւոմ են վերադառնալ և իրենց սեփական գրպանները լցնել»,- ասել է նա: