Պուտինին և Թրամփին «թույլ չեն տվել» շփվել Փարիզում

ՌԴ և ԱՄՆ նախագահներ Վլադիմիր Պուտինը և Դոնալդ Թրամփը Ելիսեյան պալատում աշխատանքային նախաճաշի ժամանակ պետք է կողք կողքի նստեին, սակայն վերջին պահին համապատասխան սխեման փոխվել է, և նրանք նստել միմյանց դեմ: Արդյունքում` երկու ղեկավարները չեն կարողացել կարճ զրուցե` ըստ նախատեսվածի: Այդ մասին Интерфакс-ին հայտնել է ռուսական պատվիրակությունում աղբյուրը:

ՌԴ նախագահի մամուլի խոսնակ Դմիտրի Պեսկովը, իր հերթին, հայտնել է, որ նախագահերը միայն «Մինչ հանդիպում» են ասել միմյանց և բաժանվել:

Ինքը` Պուտինը, պատասխանելով լրագրողների հարցերին, ասել է, որ, այնուամենայնիվ, կարճ շփում է ունեցել Թրամփի հետ:

Հիշեցնենք, որ նախագահները, ի թիվս այլ առաջնորդների, Փարիզում էին` Առաջին համաշխարհային պատերազմի ավարտի 100-ամյակին նվիրված միջոցառումներին մասնակցելու համար: Տոնական միջոցառումների ժամանակ առաջնորդները միմյանց ձեռք են սեղմել: Թրամփին ողջունելու ժամանակ Պուտինը բթամատը վերև է պահել՝ հասկացնելով, որ ամեն ինչ ընտիր է:

Փարիզում էր նաև ՀՀ վարչապետ Նիկոլ Փաշինյանը: