Արցախի պատգամավորները կստանան 32500 դրամ

ԼՂՀ Ազգային ժողովի ոչ մշտական հիմունքներով աշխատող պատգամավորներն իրենց գործունեության ծախսերի համար այլեւս ամսական 15 հազար դրամ չեն ստանա, այլ նվազագույն աշխատավարձի չափով, որը հունվարի 1-ից կկազմի 32500 դրամ: Այսօր պատգամավորների նախաձեռնությամբ ԱԺ քննարկմանը ներկայացված` ԼՂՀ օրենսդիր, գործադիր եւ դատական իշխանության մարմինների ղեկավար աշխատողների պաշտոնային դրույքաչափերի մասինե օրենքում փոփոխություններ կատարելու մասին օրենքի նախագծով է դա սահմանվում, որն էլ արժանացել է պատգամավորների հավանությանը: Հիշեցնենք, որ Արցախի խորհրդարանի 33 պատգամավորներից 17-ն են ոչ մշտական հիմունքներով աշխատում: Մնացած պատգամավորներն ամսական ստանում են 250 հազար դրամ աշխատավարձ, բացառությամբ ԱԺ նախագահի եւ փոխնախագահի. ԱԺ նախագահը ստանում է 300 հազար, իսկ փոխնախագահը` 260 հազար դրամ: