ՀԱԿ-ի երթը Երեւանում

«Ոչ մի երկրում մարդու իրավունքներն այնպես չեն ոտնահարվում, ինչպես մեր երկրում: Մեր երկրում մարդու իրավունքները պաշտպանվում են ոչ թե դատական ատյաններում, այլ` հրապարակում, փողոցում: Մեր այս երթը նվիրված է Հայաստանի քաղաքացու իրավունքների պաշտպանությանը»,- իր ելույթում ասաց ՀԱԿ-ի անդամ Արամ Մանուկյանը:

Գագիկ Ջհանգիրյանը հայտարարեց, որ երեք օրվա ընթացքում կալանավայրերից ազատվել են Գաբրիել Գաբրելյանը եւ Ֆելիքս Գեւորգյանը, եւ որ Մենք շարունակելու ենք պայքարը՝ մինչեւ ազատ արձակվեն «Մարտի 1-ի գործով դատապարտված բոլոր կալանավորները: «Նրանց ազատությունը մեր բոլորի ազատությունն է, եւ բանտերում մեր ընկերների ազատությունն էլ է ձեր ձեռքերում»,- դիմելով երթի մասնակիցներին հայտարարեց Գագիկ Ջհանգիրյանը:

Ինչպես միշտ երթի մասնակիցները պահանջում էին ՀՀ նախագահի և կառավարության հրաժարականը, վանկարկում բանտարկյալներին անհապաղ ազատ արձակելու պահանջով կոչեր:

ՀԱԿ-ի այսօրվա երթին չէր մասնակցում Լեւոն Տեր-Պետրոսյանը:

 Լուսանկարները` Անդրանիկ Լավչյանի

Տեսանյութը տես՝  ԱՅՍՏԵՂ