Ով ինչ է ասել նախագահին

Դեկետեմբերի 6-ին  ՀՀ վերահսկիչ պալատը փակ ռեժիմով քննարկել է ՀՀ Սոցիալական ապահովության պետական ծառայությունում իրականացված ստուգումների արդյունքները: Այդ մասին պաշտոնական որևէ տեղեկություն դեռևս չի հաղորդվել:

Օրերս ՀՀ սոցիալական ապահովության պետական ծառայության պետ Վազգեն Խաչիկյանը և ՎՊ նախագահ Իշխան Զաքարյանը առանձին-առանձին եղել են հանրապետության նախագահի մոտ և ներկայացրել իրենց փաստարկներն ու հակափաստարկները: Թե ինչ որոշում է կայացվելու այդ հանդիպումների հիման վրա  և թե ՎՊ ստուգումների արդյունքներն ամփոփող զեկույցում խախտումների ինչ ծավալ է ներկայացվելու, դեռևս պարզ չէ:

Հիշեցնենք, որ մամուլում գրվել էր, թե այդ ստուգումների արդյունքում Վերահսկիչ պալատը լուրջ խախտումներ է հայտնաբերել: ՎՊ նախագահը չէր հերքել այդ տեղեկությունները:

Միաժամանակ, ըստ մամուլի, Խաչիկյանը խոստացել էր Վերահսկիչ պալատի մասին սենսացիոն բացահայտումներ անել իր համար անցանկալի զարգացումների դեպքում: Այս լուրը, սակայն, Խաչիկյանը հերքել է: Նախ տարածել է, հետո` հերքել: Սպասենք զարգացումներին: