Քաղաքացին մոտ 4 մ բարձրությունից նետվել է ջուրը և խեղդվել, Ջրասուզակը նրա մարմինը հանել է մոտ 6 մետր խորությունից

ՆԳՆ-ն մանրամասներ է հայտնել Վայոց Ձորում երեկ տեղի ունեցած ողբերգական դեպքի մասին։ Ժամը 15։55-ին, ահազանգ  է ստացվել, որ Գողթանիկ գյուղի ջրվեժում քաղաքացի է խեղդվում:

Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի ջրասուզակը։

Պարզվել է, որ քաղաքացին մոտ 4 մ բարձրությունից նետվել է ջուրը և խեղդվել։

Որոնողական աշխատանքների արդյունքում ջրասուզակը մոտ 6 մ խորությունից դուրս է բերել քաղաքացու դին։

Փրկարարները սահմանազատել են տարածքը և դին մոտեցրել դի տեղափոխող ավտոմեքենային: