Իրանն ԱՄՆ-ին առաջարկել է եռափուլ կարգավորում

Իրանը միջնորդների միջոցով ԱՄՆ-ին է փոխանցել բանակցությունների եռափուլ բանաձևը; Այս մասին գրում է «Ռիա Նովոստի» գործակալությունը՝ վկայակոչելով Al Mayadeen հեռուստաալիքի հաղորդած տեղեկատվությունը։

«Իրանը միջնորդներին տեղեկացրել է երեք փուլերի վրա հիմնված բանակցային ձևաչափի մասին, և եթե Վաշինգտոնն ընդունի այն, Թեհրանը կբանակցի դրա համաձայն»,- ասվում է հրատարակության մեջ։

Նախաձեռնության համաձայն՝ բանակցությունների առաջին փուլում պետք է կենտրոնանան պատերազմի դադարեցման և Իրանի ու Լիբանանի դեմ հետագա ռազմական գործողություններ չլինելու երաշխիքներ ստանալու վրա։

Երկրորդ փուլում՝ պատերազմի ավարտից հետո կողմերը պետք է պայմանավորվեն Հորմուզի նեղուցի կառավարման շուրջ։

Միայն այս երկու կետերի կատարումից հետո կքննարկվի Իրանի միջուկային ծրագիրը։