ՆԱՏՕ-ն ԼՂ հակամարտության արագ կարգավորում է ցանկանում

ՆԱՏՕ-ն ԼՂ հակամարտության արագ կարգավորում է ցանկանում. այսօր Trend գործակալությանը ասել է  Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապաթուրայը:

«Հակամարտության կարգավորումը շատ կարեւոր է, սակայն այն հնարավոր է միայն քաղաքական ճանապարհով: Այդ պատճառով ՆԱՏՕ-ն լիովին հավանություն է տալիս ԵԱՀԿ Մինսկի խմբի ջանքերին»,- ընդգծել է նա:

Խոսելով հակամարտության կարգավորման գործում ՆԱՏՕ-ի հնարավոր դերի մասին` Ապաթուրայը շեշտել է, որ քանի դեռ հակամարտության կողմերը համաձայնության չեն եկել հիմնարար սկզբունքների հարցում, այդ գործընթացում որեւէ կազմակերպության կամ երկրի դերի մասին մտածելը վաղ է:

«Պարզ է, որ «սառեցված հակամարտություն» տերմինը իրականում չի արտացոլում իրականությունը: Երկու կողմն էլ հաճախ հայտնում են հրադադարի ռեժիմի խախտման մասին: Կան ծանր կորուտներ զինվորականների եւ քաղաքացիների շրջանում»,- ասել է նա: