Պեսկովը հայտնել է, որ Աբու Դաբիում կայանալիք բանակցություններին ռուսական պատվիրակության կազմը մնում է անփոփոխ

Աբու Դաբիում կայանալիք բանակցություններին ռուսական պատվիրակության կազմը մնում է անփոփոխ. այն կգլխավորի Ռուսաստանի զինված ուժերի գլխավոր շտաբի հետախուզության գլխավոր վարչության պետ Իգոր Կոստյուկովը։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։

«Սա կլինի նույն պատվիրակությունը, ինչ նախորդ անգամ՝ Կոստյուկովի գլխավորությամբ», – ասել է Պեսկովը՝ ի պատասխան ռուսական պատվիրակության հիմնական թեմաները և կազմը բացահայտելու խնդրանքի։

Նշենք, որ Աբու Դաբիում Ուկրաինայի վերաբերյալ բանակցությունների երկրորդ փուլը նախատեսված էր փետրվարի 1-ին։ Սակայն հանդիպումը հետագայում տեղափոխվեց փետրվարի 4-5-ը։