Աբու Դաբիում հայկական տաղավարի խայտառակությունը շարունակվում է. ՌԴ-ում քրգործ է հարուցվել երկրի տարածքով ամերիկյան զենք տեղափոխելու համար

Mediaport-ի աղբյուրի հաղորդմամբ՝ Ռուսաստանում Հայաստանի Հանրապետության դեմ քրեական գործ է հարուցվել ՌԴ տարածքով ամերիկյան զենք տեղափոխելու փորձի համար։

Խոսքը վերաբերում է ԱՄէ-ում IDEX-2021 ցուցադրության համար ՌԴ տարածքով տեղափոխվող զենքին, որն այդպես էլ տեղ չհասավ, և Հայաստանը խայտառակվեց միջազգային հանրության առջև, իսկ ԲՏԱ նախարար Հակոբ Արշակյանը, իբր, ծառայողական քննություն նշանակեց, որի հետևանքով որևէ պաշտոնյա պատասխանատվության չենթարկվեց։

Հայկական տաղավարի համար նախատեսված զենքը մինչ այս պահը գտնվում է ՌԴ տարածքում, քանի որ Արշակյանի ղեկավարած կառույցը պատշաճ չէր տեղեկացրել ռուսական կողմին, որ խմբաքանակում առկա են նաև ամերիկյան զինատեսակներ։

Իսկ Հայաստանի Հանրապետությունը նախ ծաղրուծանակի վերածած, ապա քրեական պատմության մեջ գցած Հակոբ Արշակյանը Նիկոլ Փաշինյանի «Քաղաքացիական պայմանագիր» կուսակցության ցուցակի 17-րդ համարն է, Փաշինյանի հետ քարոզարշավների է գնում։