Կոլյա Միքաելյանն ազատվեց Վայոց Ձորի մարզպետի պաշտոնից. ո՞վ կփոխարինի նրան

Կոլյա Միքաելյանն ազատվեց Վայոց Ձորի մարզպետի պաշտոնից, նրա փոխարեն նշանակվեց Վահագն Արսենյանը։ Համապատասխան որոշումներն այսօր ընդունվեցին ՀՀ կառավարության այսօրվա նիստի ժամանակ։

«Ղեկավարվելով ՀՀ Սահմանադրության 160-րդ հոդվածի 2-րդ մասով և «Տարածքային կառավարման մասին» օրենքի 6-րդ հոդվածի 1-ին մասով և 5-րդ մասի 1-ին կետով՝ ՀՀ կառավարությունը որոշում է Կոլյա Միքաելյանին ազատել ՀՀ Վայոց Ձորի մարզպետի պաշտոնից»,– ասված է կառավարության որոշումներից մեկում:

Գործադիր մարմնի մյուս որոշումը վերաբերում է մարզպետի նշանակմանը։

«Ղեկավարվելով ՀՀ Սահմանադրության 160-րդ հոդվածի 2-րդ մասով և «Տարածքային կառավարման մասին» օրենքի 6-րդ հոդվածի 1-ին մասով՝ Հայաստանի Հանրապետության կառավարությունը որոշում է Վահագն Արսենյանին նշանակել ՀՀ Վայոց Ձորի մարզպետ»,– ասված է մյուս որոշման մեջ: