Ագրարայինում հետապնդում են սեփական կարծիք ունեցող դասախոսներին

Հայաստանի ազգային ագրարային համալսարանում տիրող բարքերի մասին noyantapan TV-ի եթերում կրկին բարձրաձայնել է ֆիզիկայի դասախոս Գվիդոն Մատինյանը:

Մատինյանը նշել է, որ համալսարանում առկա բացասական երևույթները հանրայնացնելու պատճառով իրեն և լավագույն դասախոսներից մեկին՝ Վրեժ Խոցանյանին որոշել են պատժել և դասաժամեր չեն տալու: Իսկ դոցենտ Արևիկ Ազիզյանին, ով ռեկտորի թեկնածու էր և զոհված զինծառայողի մայր, պարտադրում են ազատման դիմում գրել:

Փաստորեն, ստացվում է, որ ազատ խոսքի համար ագրարային համալսարանում դասախոսները ենթարկվում են հետապնդման, իսկ ԿԳՄՍ նախարար տիկին Ժաննան, ինչպես ագրարայինին վերաբերող մյուս  հարցերի, այնպես էլ այս դեպքում լուռ է: Իսկ թե ինչու, Yerkir.am-ը կանդրադառնա առաջիկայում: