ՀՕՊ-ը գիշերը ուկրաինական 74 անօդաչու է ոչնչացրել. ՌԴ ՊՆ

Անցած գիշերվա ընթացքում ՀՕՊ միջոցները ՌԴ հինգ մարզերի վրա որսացել և ոչնչացրել են ուկրաինական 74 անօդաչու։ Տեղեկությունը հայտնում է ՌԴ ՊՆ-ն։

«Անցած գիշերվա ընթացքում ՀՕՊ հերթապահ միջոցները որսացել և ոչնչացրել են 74 ուկրաինական ինքնաթիռատիպ անօդաչու, որոնցից 43–ը` Բրյանսկի մարզի տարածքի վրա, 22–ը` Ռոստովի մարզի, 6-ը` Կալուգայի մարզի, 2-ը` Սմոլենսկի և մեկը` Լենինգրադի մարզի տարածքի վրա», – ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։